Հունվարյան ճամբարի երրորդ շաբաթվա առաջին օրը քննարկեցինք Արատեսյան եռօրյա ճամբարի օրակարգը։
Ճամբորդությունը սկսեցինք Սուրբ Երրորդություն եկեղեցու բակից։
Կանգ առանք Եղեգիսում ,որտեղ ընկեր Վարդանը պատմեց Զորաց վանքի մասին։Հետո շրջեցինք գյուղով,խոսեցինք գյուղի երեխաների հետ,ծանոթացանք իրենց բարբառին և առօրյաին։
Արատեսում տեղավորվելուց հետո երեկոյան հավաքվեցինք վառարանի մոտ,համեղ պլեճ պատրաստեցինք և բարբառային զրույցներ ունեցանք։Երկրորդ օրը սկսեցինք նախավարժանքով և մարզումներով բաց դաշտում։Ունեցանք քայլք դեպի Արատեսի վանք։
Պատրաստեցինք Սյունիքի ճաշատեսակներից՝ ավելուկով ճաշ։Իսկ երեկոյան նորից հավաքվեցինք տաք վառարանի շուրջ,խոտաբույսերով թեյ խմեցինք,երգեցինք,զրուցեցինք։
Երրորդ օրը նախաճաշից հետո մաքրեցինք մեր սենյակները,հավաքվեցինք և ուրախ տրամադրությամբ ետ վերադարձանք։
Շատ հավես և հետաքրքիր հունվար ունեցանք,որի համար շնորհակալ ենք լավագույն ջոկատավար ընկեր Վարդանին։